Bɩgabaazɩya na Keɖiyá Kɩ́falɔɔ́

Baalɩzɩ́ Ɩsɔ́ɔ‑dɛ́ɛ Tɔ́m Tákaraɖá Tem‑daá : Bɩgabaazɩya na Njííla bánÿaá kɩ ɖʊɖɔ sɩsɩ Keɖiyá Kɩ́falɔɔ́ nɛ́. Tɛ́ɛvɛ́ɛrɛ́ irodúu‑dɛ́ɛ wɛ́ ákɩzaalʊʊ́ na náádoozo bɩ́nɩ 2020 ɩna gɛ baalɩzɩ́ kɩ wɔnɔɔ́.Tákaraɖá kɩḿ kɩbá kɩjɔɔ́ɔ kazɔ́ɔ gɛ páá. Tákaraɖá bú boovu kɩrɔ nɛ́ cɔɔ́ɔ bɛɛŋ́, bɩka kɩrɔɔzɩ́-dɛ́ɛ ŋmáádɩ́ bíya wénɖée nyazɩ siká.

Tem gɛ baaŋmáa tákaraɖá kúfúúgu kɩḿ kɩdɛ́ɛ fúúni lɛ́ɛ́nɩ́. Fúu kaɖaa ńgɩ‑rɔ, Róóma ŋmáádɩ bíya ; bɩka fúu sɩɩlɛ ńgɩ Ajamíya, Laarúbu-dɛ́ɛ ŋmáádɩ bíya gɛ bánŋmaanáa kɩlɛ́.

Róóma ŋmáádɩ bíya‑dɛ́ɛ fɔɔlʊʊ́ waaba ná kɩɖɔ́ɔ,

Fɔɔlʊʊ́ kɩwɛ ná fúu kíɖiiwú‑rɔ nɛ́‑daá, Ɩsɔ́ɔ‑dɛ́ɛ Tɔ́m ndɩ‑ndɩ baada balɩzɩ́ nɛ́ gɛ baaŋmáa ńna, ngɛ Ajamíya gɛ baaŋmaa ná bɩjɔɔ́ɔ bɛɛŋ́ ; ŋmáádɩ‑bíya aléewá gɛ baaŋmaa ná kɩ́sɛɛmʊ́ʊ.

Bónvulúu tákaraɖá kúfúúgu nɛ́, Ɩsɔ́ɔ‑dɛ́ɛ Tɔ́mwá natɩ́rɩ wɛ baaŋmaa ná Tem Róóma na Tem Ajamíya tákaraɖá bú kʊ́ɖʊḿ‑rɔɔzɩ́.:

Page exemplaire avec Tem Adjami et Romain

Ɖáálá tamɔ́ɔ sɩsɩ wenbí ɖááyáázɩ ɖɩlɩzɩ́ bɩdaá nɛ́ wánlám báa weení kazɔ́ɔ.

Mííli natɩ́lɛ (2.000) gɛ bánÿám kɩ. ABTem-dɛ́ɛ tɩmɛ́rɛ ɖaalanɖɛ́ gɛ ɩrʊ́ wánbɩɩzɩ́ iyuú kɩ. ABTem wɛ Sɔgɔɖɛyɩ́ gɛ, Cááwadaá sukúúli lɔwʊ́‑lɔwʊ́ ńgɩ‑dɛ́ɛ nɩ́bááwʊ‑rɔ.

+228.91.24.68.15, [email protected]

Igéyéki ɖáa wentíwá mɩ́nmaazɩ́ nɛ́, yáá tɔ́m bɔɔzɩ́tɩ mɩ́wɛná nɛ́

Bɩgabaazɩya na Keɖiyá Kɩ́falɔɔ́

Votre encouragement nous est précieux